Is Kruckenmandle...
ischt huire 84 worn,
hot an etlache nuie Boar, Hautkrebs und tüet nuicht liebar ols at de Barge kraxlen.
Wie i in Sigi vulgo Kruckenmandle is erte mol gsehn hon, bin i wolltan darschrockn. Kraxlt mit zwoa Krucken ibars Egge auha. An teiflischn Hüet au, zehn kile Schmira in Gsicht, Hentlinge on. De Sunna brennt oaha, hal is wöll mitlat Summar.
Kaum wor er hobn...
...wie´ s de Frendn holt hobn (holt an Geneht), wollt ar scho widr gehn. Um oas! Weil sischt frsaumt ar in Bus. Um sechse! A nieder ondre braucht für di gleiche Strecke max. zwoa Stund. Ohn geht holt schwar mir Krucken.
Inzwischn...
... mueß (dorf) ar hobn an Brunnenkogelhaus schlofn. Pokt´ s holt ö numma in gleichn Tog ohn ze gehn.
Es ischt obr olbn lessig ze lisnen, wos dar Sigi ze darzeln hot. Der hot sei letog wol epas darlebt!
Umha hemmen ischt ar wie is folsche Gald. Vo Afrika ibr Mexico, Schwedn und ibarol hot ar Bilder gemolt. Gewaltig!
Af Selden isch dr Sigi 1949 kemmen und hot det de Kell Sofie (Köll Sofie) kennengelernt. De sal isch oftr se Bargfreindin worn. Mitnodr sein se drei mol at dr Wildspitze (3770m) gewesn. 1968 sögor in dar Krochledranen! Mit 60 worn se a letschtes Mol at dr Zugspitz (2962m), notirlach mit Krucken. De sall hot ar sch länger gehobn.
Sei liebster Barg in Tol isch obr dar Grießkogl (2911m).
Afn Mont Blanc (4810m) isch is Kruckenmandle in August 1960 gewesn. Mit an Freind der zu Mittlat die Höhenkronkheit bekemmen hot. Ober dar Sigi hot wöll olbn sei Zwetschkenwosser mit. Unt mit´ n sal hobn se´ s darhoalt und hob kinnt weiter gehn.
Bis gonz auhn sein se, die wildn Hunde.
Mei ietz is Kruckenmandle 84 und mueß si mit´ n Brunnenkogelhaus (3783m) zefridn gebn. Obar so loge dass er ´s no dargeht ischt ar glicklach, dar Sigi!
Dar Hittenwirt vö öbn döbn
Das ganze auf Deutsch
Noch mehr vom Hüttenwirt: derhuettenwirt.jimdo.com
Kommentar schreiben